Tokyo, Iaiong 22: Uwei u briew ula iap bad hynniew ngut ki la jah rngai na ka jingtakhuh ar tylli ki helicopter shipai ha Japan, la iathuh ka khubor hynne ka sngi.

U Defense Minister ka Japan u Minoru Kihara ula iathuh katei ka jingjia takhuh ar tylli ki helicopter SH-60K ka dei ha ka por mynmiet ban peit ia ka jhad iapom ha ki thain mihngi ka dewlanong Tori-shima ha Pacific, Kihara bad ka kawei ka kit 4 ngut ki briew.

Ki shipai ki la lap ia ki lyngkhot kyngkhai jong helicopter ha katei ka jaka hynrei kim pat tip ia ka daw jong ka jingjia.

Kham shwa ka Defense Ministry ka la ong, ba ka SH-60K helicopter ka la sangeh ka jingiasam ia ki jingtip ha ki thain dewlanong Tori-shima hajan ka Izu Island, shimit hadien ka helicopter ka jah signal. Hadien shiteng kynta, kawei ka helicopter ka la sangeh ban sam ia ki jingtip kylliang ha kajuh ka jaka.