Shillong, Kyllalyngkot 27: Ka kynhun ialehkai phutbol jong ka Meghalaya ka la ioh rung sha ka Semifinal hadien ba ka lah ban pynliem sa ia ka Tamil Nadu da 2-1 ha ka jingiakhun kaba lai bad bakhatduh jong ka Group A ha ka Khelo India Youth Games 2023 (Boys) ba la ialehkai ha JN Stadium B Ground, Tamil Nadu hynne ka step sngi Saitjain ka 27 tarik u Kyllalyngkot,  2024.

        Ha ka jingialehkai banyngkong ka Meghalaya ka la jop ia ka Uttar Pradesh da 4-1 bad ha ka jingiakhun baar da 2-1 ia ka Tamilnadu ha ka jingiakhun na ka Group A.

         Haba phai sha ka jingialehkai ha kane ka sngi ka Meghalaya ka la ioh ia ki ar tylli ki kol jong ka lyngba u Deibormame Tongper bad ia ka kol kaba ar la thep da u Mebanlamlynti Masharing.

       Ka Meghalaya ka la ioh khur 9 poin baroh na lai sien iakhun bad mynta kan hap shut pynnep bha ki reng ban iakhun sa ia ka semifinal kaban long ha ka 29 tarik u Kyllalyngkot, 2024.