Shillong, Kyllalyngkot 31 : Ki samla lud kiba hapoh 19 snem (Under-19) jong ka kynhun ialehkai phutbol ka Meghalaya ki la ioh khur takma ksiar da kaba pynliem ia ka Punjab da 2-0 ha ka jingiakhun jong ki ia ka final ha ka Football jong ka Khelo India Youth Games 2024 ba la ialehkai ha madan Jawaharlal Nehru Stadium, Tamilnadu ha ka sngi Balang ka 31 tarik u Kyllalyngkot, 2024.

      Ia kine ki kol baroh ar tylli la thep da u Badondor Marbaniang, kawei ha ka kyllastep bad kawei ha ka kyllamiet.

       Kane ka dei ka sien nyngkong ia ka Meghalaya ba kan iohrah bad khur takma ksiar ha ka Khelo India Youth Games.

       Watla ka Meghalaya ka la ioh mih khmat tang ia ka football, ka long pat kaba sngewtynnat ba ki la iohrah bad khur syndon ia ka takma ksiar.