Da u Babu Kular Khongjirem

Ka long Kynsan-kynsan, ha ka janmiet jong ka 17th April 2024,ka sorkar Meghalaya lyngba u Deputy Commissioner bad District School Education Officer (DSEO) East Khasi Hills,Shillong ki la shu pynbna hak dak(suddent announcement) ba ka 18th April 2024,kata,shi sngi shwa ban thep vote ha ka sngi 19th April 2024  dei ban ai shuti noh (declare holiday) ia baroh ki jaka pule ha baroh ki jaka pule(educational institutions)kiba don ha kylleng sawdong ka nongbah  Shillong khnang  ban ai lad ia ki nongtrei election(polling parties) ba kin ioh iaid kylluid sha la ki jong ki jong ki kam(election duties).                                    

Hynrei kum kane ka rukom pynbna kyrkieh hak  dak  ia ka shuti  ia ki jaka pule kam long satia kaba itynnad.Jait ba kane ka juk mynta ka dei ka juk jong ki social media(mobiles,internets,etc),kalong la ka long.Jin lada kam dei ka juk social media,kaba shu  pynbna shuti shi miet shi miet na ka bynta ka lashai mynstep ka dei ban long tang ka kam iap kam im kibym lah shuh ban kiar (immediate causes).Ha ka jingshisha,lada ka sorkar ka donkam ban ai shuti lang ha ka 18th April 2024,ka dei ban pynbna lang ha kajuh ka por ba ka la  pynbna ia ka 19th April 2034 kaba dei ka sngi shuti thep vote.                      

Ka jingpynbna shuti kyrkieh shi miet shi miet da ki bor sorkar  ka la wanrah ka jinglyngngoh  bad jingkulmar  jingmut(confusion) ym tang ia ki bor pyniaid skul/college hynrei khamtam eh ia ki khynnah pule bad ki kmie ki kpa jongki.Ka shuti ka la pynartatien shibun eh ia ki.Ban leit skul/college ruh ki artatien, ban leit ruh ioh dei ka shuti,  kan shu leh noh ei ka por jongki.Ha ka jingshisha,kano kano ka shuti sorkar dei ban da pynbna(announce) da ki bor pyniaid skul/collge,hynrei ka shuti kaba shu iohsngew tang na suin, kalah ban dei ka khubor thok ne ka  shuti thok ruh(fake news)namar ngi iohi  mynta ba bun eh sa tang ki khubor lamler(fake news) khamtam eh ha ki social media.                               

Ki don bun kiba shu ia antad ba ka sorkar ka ai shuti noh naduh ka 18th April 2024 namar bun ki nonghikai ki ia lei duty election. Ban lait na ka jingduh shim klass jongki ha ka sngi leit duty jongki ha ka 18thApril 2024,ka bha ban pyllait shuti noh syndon shi sngi shwa ba kin mih sha ki jaka thep vote.Ban ong ba ka sorkar ka pyllait shuti ban lait na ka jingdheng kali(trafic jam) ruh kam don jingmut satia  namar don ki sngi ki sngi kiba jur bha ka jingdheng kali wat lada ym dei satia ki sngi leit duty election ruh.Lada ka sorkar ka pyrkhat pat  ba bun ki skul/college ki dei ki jaka thep vote(polling stations) ha man la ki shnong, kata,dei ban ai shuti lang solonsar ia baroh ki skul kiba don ha sor bad ki skul kiba don ha  nongkyndong ruh kumjuh ha baroh kawei ka state khlem leh shiliang iano iano ruh.Tang kawei ka jingeh kalong ba kane ka jingpynbna shuti ka sorkar nangne shakhmat kan long noh pynban  kum ka dustur ai shuti(preceedence) ba dei ban ai shuti noh 2 sngi ha man la kano kano ka por  election.Tangba,dei ruh ban kynmaw ba nangne shakhmat, dei ban pyntip  lypa sha baroh ki bor pyniaid skul/college khnang ba kin ioh pynbna lypa ia ki khynnah pule ha skul/ college jongki  lym kumta ka pyni ba ka sorkar kam khein snep,ka shu khein dew thala bad i bein  ia ka bor bad ka iktiar (authority and prestige) bad shu leh katba mon ia ki bor pyniaid skul/college bad kata hi kan ktah shi katdei eh ia ka  lawei ka thoh ka pule ha ka state jongngi.