Shillong, Jymmang 02: Ki Pulit ka East Jaintia Hills ki la ioh kurup drok Heroin ba shongdor kumba T.2.1 klur bad kem 1 na Ratacherra.

Ia une u Drok la ioh kururp na kawei ka Bos Bight Super MTC kaba don ia u number ML-03-0216 kaba wan na Silchar ka Jylla Assam.

Kane ka jingioh kurup ka dei hadien ba ki Pulit ki la pynlong ka jingap ktem ha ki bynta jong ka Ratacherra East Jaintia Hills Infiltration Check Post ha ka por kumba 10 baje mynmiet

Haba pynthikna ia kane u Superintendent of Police (SP) ka East Jaintia Hills u Giri Prasad M ula pyntip ba ia u drok Heroin la buhrieh hapoh ki 25 tylli ki synduk sabon.

U SP ula pyntip ba ia u u Drok la wan kit da u Mizazur Rahman uba dei napoh Silchar, Assam.

Nalor u drok Herion, ki Pulit ki la ioh ruh kurup haduh 3720 tylli ki dawai kuli Nitrazepam Tablets bad kawei ka mobile phone.

Haba iadei bad kane ki pulit ki la rah noh ia une u briew bad Register Case pyrshah ia u hapoh ki kyndon ka NDPS Act.