Shillong, Iaiong 07: Ka karkhana ki jingialehkai ne ki gaming industry ha India ki la sakhi ia ka jingkiew sted bha namar ka ka jingpynmih ia ki jingialehkai ba lah ban lehkai ha mobile, bad katkum ki kaiphod ka ong ba ka jingmih na kane ka iew ki jingialehkai ka lah ban poi wat shi billion dollar, da ka jingmih jong ki cloud gaming kum kiwei napdeng ki jait jingialehkai.

Khnang ban pynbiang ia ka jingangnud jong ki nongpyndonkam ia kane ka rynsan, ka Vi kaba long ka shnat kaba ai jingshakri ha ka liang ka telecom ka la iatehlok bad ka headquarter jong ka Paris CareGame, ban pynmih ia ka jingshakri na ka bynta ka mobile cloud gaming-Cloud Play.

Ka Cloud Play ka wanrah ia shibun jait ki jingtyrwa kiba kyrpang da kaba pynmih ia ki jingialehkai ne ki AAA games ha ki thup bapher bapher, kynthup ruh ia ki rukom ialehkai ba la tip kum ki jingialehkai action ne ba iashoh, adventure ne kaba hap ban iakhun ia ki raieh raidam, arcade, racing ne ka jingialehkai pynmareh kali, sports ne ka jingialehkai kilan met, bad strategy ne ki jingialehkai ba hap ban da pyndonkam ia ka jingmut jingpyrkhat kumno ban iaid shaphrang ha ka jingialehkai.

Ka jingpynlait ia ka thup jong ki jingialehkai  ba kynthup ia ka Asphalt 9, Modern Combat 5, Shadow Fight, Storm Blades, Riptide, Beach Buggy Racing, and Gravity Rider, ryngkat bad kiwei na ki jingialehkai ba la slem bha bala tip kum ka like Cut The Rope, Subway Surfers, bad Jetpack Joyride. Ia kine ki jingshakri lah ban ioh na ka ‘Try n Buy’ ne ‘Pyrshang shwa nangta sa thied’ ha kaba la buh da ka por ba ki briew ki lah ban leh ia ka jingpyrshang.

Haba kren shaphang ka jingpyllait paidbah ia ka Cloud Play, U Avneesh Khosla, CMO, Vodafone Idea u ong “Kam dei tang ka jingialehkai, kadei ka jingiaid lynti sha ka pyrthei ha kaba ki jingmut jingpyrkhat ki iakynduh bad ki bor teknology. Long kiba la pynkhreh ban nang pynbha shuh shuh ia ka por ialehkai bad ioh mad ia kiei kiei kiba pher haduh katta katta.”

Ka Cloud Play kadei ka jingshakri ba lah ban leh da ka subscription bad ka dor ka long @ Rs.100 shi bnai (104 tyngka ka jing recharge na ka bynta kito kiba pyndonkam da ka prepaid). Ki nongpyndonkam ki lah ban mad shwa ia ka jingshakri khlem donkam ban siew pisa kum ka jingtyrwa kaba sdang sha shwa ban thied ia ka subscription pack.